नातं -तुझं माझं

तो म्हणाला तिला तूला आहे स्वातंत्र्य

मनमुराद जग तू नाहीयेस कुठलंच यंत्र

भिरभिर कर फुलपाखरासारखं की

आकाशात झेपाव स्वैर पक्षासारखं 

ऐकून तिला अति हर्ष झाला मनी

म्हणाली लाभावे पती तुम्हीच जन्मोजन्मी

घाबरले होते, बावरले होते नवीन या घरात

दचकले होते पाऊल टाकताच या दारात

पण तुम्ही आहात पाठीशी मग भीती कसली आहे

कळालंय तुम्हांला की मला ही एक मन आहे

संसाराच्या या प्रवासात हेच तर हवं असत

त्याशिवाय संसाराचं चाक नीट चालत नसतं

समजून घ्यावं एकमेकांना, प्रेम द्यावं अपार

तेच असत सुखी संसाराचं खरं सार

त्याच आणि तीच असच असावं नातं

अगदी नितळ निळ्या समुद्रासारखं वाहत....