नाळ जोडली मातीशी
नाळ जोडली मातीशी
काळ्या मातीत शिवारी
शेतकरी तो राबतो
बैलासंगे काम करी
धान्य छान पिकवतो.
नाळ तयाची सदैव
जोडलेली त्या मातीत
दिन रात तो कष्टतो
तरी राजा आनंदीत.
नव्या युगाच्या जोमाने
धाव घेतली शहरी
पोरा बाळा सांगण्याने
जीव झाला तो लहरी.
चैन नसे शहरात
घोर लागला जिवाला
ओढ काळ्या त्या मातीची
शांती मिळेना मनाला.
बंध त्याचे शिवारात
नाळ जोडली मातीत
सुख लागे राबण्यात
काळ्या ओल्या त्या शेतीत.