नाहीसा परिवार
नाहीसा परिवार
बघता बघता क्षणात एक परिवार नाहीसा झाला
घातला नियतीने त्यांच्या नशिबी असा घाला
दरोडेखोर ते त्यांनी घरातील सोनं नाणं चोरून न्हेलं
परंतु त्या परिवाराचं तर अस्तित्वच कायमचं मिटून गेलं
चोरांनी स्वतःच घर चालवायला चोरी केली
मात्र ज्या घरात चोरी केली त्या परिवारातील लोक हाकनाक मारली गेली
विचार ही केला नसेल त्यांनी हसून खेळून असणारा आपलं घर कायमचं शांत होईल
आपल्या घरातील लक्ष्मीला असं कोणीतरी चोरून न्हेईल
घरात परिवाराच्या रक्ताने न माखलेली अशी एकही फरशी नव्हती
त्या घरात त्यांची अशांत आत्मा फिरत असावी अवती भवती