मुलींनो तुमचं काळीज
मुलींनो तुमचं काळीज
मुलींनी कसं जगायचं या क्षणी|
अत्याचाराची बातमी येते कानी||
मुलींनी कसं वागावं कसं जगावं|
याचे कुणालाच काही वाटत नाही||
माझं मन गहिवरून येत...
मुलींनो तुमचं काळीज काय म्हणत?(१)
मुली ह्या आपल्या देशाचं भाग्य आहेत|
जन कल्याणाच त्या प्रतिक आहेत||
निच वृत्तीचे हिंसक त्यांची आब्रु लुटतात|
भर दिवसा रस्त्यावरती त्यांना का छेडतात||
माझं मन गहिवरून येत...
मुलींनो तुमचं काळीज काय म्हणत?(२)
जाता येता त्रास मुली गुपचूप सहन करतात|
आई वडिलांच्या आब्रू साठी का शांत बसतात||
जगायचं आहे तुम्हाला घ्या,दुर्गा कालीच अवतार|
जागवा तुमच्यात आदिशक्ती करा हिंसक समाजकंटकांना ठार||
माझं सळसळत रक्त सांगत...
मुलींनो तुमचं काळीज काय म्हणत?(३)
मुलींनो एक व्हा करा स्वताचे संरक्षण|
मनगटात जोर लावून गा धाडसाचे गाण||
निडरा सारखं हिंमतीने वागावं पुन्हा तुमच्या वाटेला निच हिंसक नाही यावा|
मुलींनो तुम्ही मनमोकळे जगा निचवृत्तीच्या घान विकृतीना चांगलाच धडा शिकवा||
माझं सळसळत रक्त सांगत...
मुलींनो तुमचं काळीज काय म्हणत?(४)