लाइब्रेरी
प्रोफाइल
मराठी माता
मराठी माता
1 min
166
संघर्ष पाहुनी लोक टेकती माथा
मातीत मराठी वीर उपजली माता
म्हाळसा लखूचा मान जिजाऊ लेक
ओलांडुन झाली माप भोसले एक
चैतन्य पुंज तो सिंदखेडचा होता
मातीत मराठी वीर उपजली माता
मुघलांच्या आणिक निजामशाही फौजा
रयतेला देई त्रास कराया मौजा
युद्धास त्रासली होती सारी जनता
मातीत मराठी वीर उपजली माता
गड शिवनेरीवर जन्म दिला बाळाला
पदरात कोंडले धगधगत्या जाळाला
संस्कार पाजले तयार करण्या गाथा
मातीत मराठी वीर उपजली माता
बांधणी मराठी जनहृदयाची केली
परकीय राजवट रसातळाला नेली
निर्मिले हिंदवी स्वराज्य बघता बघता
मातीत मराठी वीर उपजली माता
शिवबास शिकवले शौर्य एकता न्याय
जातीस मिटवण्या उभी राहिली माय
जाळले प्रथेला निरोप घेता घेता
मातीत मराठी वीर उपजली माता
