Library
Profile
मोहाचे महाभारत
मोहाचे महाभारत
1 min
222
धर्म आणि अधर्माचा
उभा संघर्ष राहिला
दृष्टिहीन धृतराष्ट्र
प्रश्न विचारता झाला
सांग संजया मला तू
पाहतोस जे जे नेत्री
माझे नि पांडुची मुले
काय करी कुरुक्षेत्री
मन माझे आसुसले
युद्ध वर्णन ऐकाया
जिंकतील कोण येथे
कोण बनणार राया
सत्य असत्य काय ते
राजा होता ओळखून
परी पुत्र प्रेमा पोटी
बोले हातचे राखून
कान देऊन ऐकावे
नच सांडावी सर्वथा
सांगे राजाला संजय
महाभारताची कथा
शक्ती कौरवांनी त्यांची
वापरली स्वार्था साठी
सत्य बाजू पांडवांची
देव उभा त्यांच्या पाठी
जेथे साक्षात श्रीकृष्ण
आणि धनुर्धर पार्थ
तेथे विजय निश्चित
त्यांचे जीवन कृतार्थ
