मोबाईल ला बाय-बाय
मोबाईल ला बाय-बाय
आज ग्रुप वरती यायला
जराही वेळ नाही
घरामध्ये झाले आहे
मी स्वयंपाकीण बाई
या करोना च्या पायी
आमची कामवाली बाई
मुळीसुद्धा येत नाही
सांगा आता मला
काय करू मी बाई
सकाळी उठले
बनवला नाश्ता
थोडीशी इडली,
थोडासा पास्ता
त्याच्यासाठी मला
किती खाव्या
लागल्यात खस्ता
दुपारी केली पोळी
भाजी वरण भात
स्वयंपाकात दिली
घरच्यांनी थोडी साथ
पण त्यामुळे मोबाईलच्या
बटनावर पडलाच
नाही हात
संध्याकाळी केली
गरमागरम खिचडी
सोबतीला होती
काकडीची पचडी
वरती गरमागरम
तुपाची धार
सोबतीला लोणचे
आणि पापड यार
जेवून मग बिछान्यात
गुडूप झाले
डोळ्यावर एवढी पेंग
मोबाईलला नाही पाहिले
असाच माझा
आजचा दिवस गेला
हाय रे हाय
मग मोबाईल ला म्हटले
आजच्या दिवस बाय-बाय