मन आभाळ आभाळ

मन आभाळ आभाळ त्यात दाटले हे मेघ

त्यात दाटले हे मेघ

आले भरून भरून पुसे काजळाची रेघ

पुसे काजळाची रेघ

मन आभाळ आभाळ.....

झाला अंधार अंधार, मन काजळले सारे

डोळा भरले हे पाणी, तिथे घोंगावले वारे

मन आभाळ आभाळ

होई वर्षाव वर्षाव, मेघ बरसती खाली

पापण्यांच्या कडा ओल्या,

सर गालावर आली

मन आभाळ आभाळ.......

थेंब टपोरे टपोरे मन होतसे मोकळे

आता रित्या मनामध्ये दिसे आकाश हे निळे

मन आभाळ आभाळ...