Library
Profile
मी
मी
1 min
141
समुद्राच्या लाटा मी
अवखळ अश्या वाटा मी
आयुष्यात थांबावस वाटत नाही
जणू घड्याळाचा काटा मी
बेधुंद वारा मी
पावसाच्या धारा मी
अनेक स्वप्ने येऊन बसतात डोळ्यात माझ्या
जणु स्वप्नांचा निवारा मी
बावरलेले क्षण मी
ओथंबलेले मन मी
रुजवा अनेक विचारांची रोप माझ्यात
एक खुले अंगण मी
मला माझ्यातल्या मला
कुठेतरी दडवायच नाहीये
स्वप्नांकडे पाठ करून
स्वतःला अजून रडवायचं नाहीय
जेवढी मी स्वतःमध्ये हरवते
तेवढीच मी सापडते मला
माझ्यातली हिच जादू तर
आवडते मला....
