लाइब्रेरी
प्रोफाइल
महागाई
महागाई
1 min
647
महागाई
किंमती वाढल्यात फार
जनता झाली बेजार
काय करावे आता
कोणता हा आजार ?..... ॥१॥
खर्चाला नाही तोटा
पैसा ही झाला खोटा
लोकांच्या या राज्यात
रंग बदलतात नोटा..... ॥२॥
शासन भित्री भागूबाई
किती वाढवते महागाई
बघा कशी रयतेची
सुरू झाली डबघाई..... ॥३॥
सामान्य ठरलेत वेडे
प्रयत्न करावेत थोडे
कमी करून दाम
सोडवावे सारे कोडे..... ॥४॥
सरकार आहे हट्टी
सामान्यांशी घेते कट्टी
अशी या महागाईची
रात्रंदिवस पेटते भट्टी..... ॥५॥
