Library
Profile
मेघ पावसाळी
मेघ पावसाळी
1 min
453
मेघ पावसाळी नभी
नभी जलधिचा खेळ
अनुपम देखाव्याची
देखाव्याची रानभूल।
हर्षे भेगाळली धरा
धरा तृषार्त चातक
मेघ पावसाळी डोई
डोई जल अभिषेक।
येता पर्जन्याची सर
सर भिजविते चिंब
मोरपिस फुलोऱ्यात
फुलोऱ्यात रानबंध।
मेघदूता आमंत्रण
आमंत्रण भेटीसाठी
बळीराजा आबादानी
आबादानी काळी माती।
मेघ पावसाळी नवा
नवा अंकूर आशेचा
सप्तसूर हिरवाई
हिरवाई सृजनाचा।
