माय मराठी

राज दरबारी धूळ माखल्या पाटीवरती

 कुणीतरी मारिली हळूच फुंकर

मलीन झटकत उभी राहिली

 देत एक सुखद हुंकार

कडाडली ती बिजलीवाणी

 मीच साऱ्या भाषांची राणी

हवी कशाला परकी माजोरी

 मीच मराठी सुंदर वाणी

बोल बोबडे साद घालती

 मराठीतूनी मातेला आई

ऐकत तिची गोड अंगाई

 कुशीत मायेच्या झोपी जाई

सर्वप्रथम गिरविला ओमकार

 दिला मनाला सुज्ञ आकार

नवी दिशा अन नवा सुविचार

 हेच माय मराठीचे संस्कार

कबूल करतो एक आम्ही

 एकदाच चुकलो आमच्या आयुष्यात

परदेशाच्या आकर्षणाने

 शिकवलं मुलांना इंग्रजी शाळांत

आकाशा घालण्या गवसणी

 पक्षी उडून गेले दूरवर

थकलेली मने वाट पाहतात

 वृद्धाश्रमाच्या जीर्ण पायर्यांवर

'मऱ्हाटी' शब्दांत आहे हट्ट

 नात्यांची वीण बनवतो घट्ट

कष्टांच्या मर्यादाना नाही हद्द

 लढण्या मराठीशक्ती नेहमीच सिध्द

मराठीला आहे मातीचा वास

 मराठीत आहे अभिमानाचा श्वास

मराठीने घडविला छत्रपतींचा इतिहास

 मराठीच करेल परकीयांचा ऱ्हास