मानवाच अस होईल का?

दिवस थकला होता, सांज होऊन,

रात्रीच्या काळ-अंधाऱ्या कुशीत, निपचित पहुडला होता.

कातर-सरते-वेळी प्रकाशाने, हळूच अंधाराच पांघरुण उघडलं,

तस दिवस सुद्धा, आळस देत, आटा-पीटा करत, पहाट होऊन,

'मी परत आलोय' ची साद घालत होता.

--मानवाच अस होईल का?

दिवस आता, दुपार होऊन, धगधगत होता.

पुन्हा थकला होता, तसा मावळतीने गोंजारून,

पुन्हा त्याची सांज होऊन,

रात्रीच्या काळ-अंधाऱ्या कुशीत तो जातच होता,

इतक्यात सांजेच्या एका तीक्ष्ण प्रकाशाने,

अंधाराला ताकीद दिली,

'मी तुझ्या कुशीत तर येतोय, पण ते परत, पहाट होऊन, दिवस म्हणून उजाडण्या साठीच.

--मानवाच अस होईल का?