माणसे कशी जोडावी

माणसे जोडणे , आहे कला

आधी माणुसकीला जागा

 मानवता हाची धर्म जाणा

बांधला जाईल, प्रेमाचा धागा

नको मिथ्याभिमान मनी

वाणीत हवी , साखर थोडी

सहकाराची भावना मनी

कोण करेल , .उगा कुरघोडी

जेथे तेथे नको  , मी पणा

त्रासदायक वाटे इतर जीवा  

वाद विवाद शक्यतो टाळा

माघार घेण्याची , नीती ठेवा

द्यावा , सदा मान इतरास 

मनी शंकेचे  नकोची मळभ

निखालस भाव ठेवता

माणसे जोडणे  ...,होते सुलभ 

 तुकड्या-तुकड्यात ,नकाशा विश्वाचा

पाठी मागे होते  माणसाचे चित्र 

 मानवाचे चित्र जोडले जाता 

सहज झाला विश्वाचा मित्र