माझ्या प्रेमाचा फुलपाखरू.....

माझ्या प्रेमाचा फुलपाखरू....

माझ्या प्रेमाचा फुलपाखरू

तुझ्यासाठी लागलाय झुरू ।

प्रेमात तुझ्या रंगुनिया सखे

केले प्रेमकाव्य लिहायला सुरू ।।

तुझ्यासाठी हसणे माझे

तुझ्यासाठीच गं गाणे ।

जिणे तुझ्यासह मज गं

तुझ्यासहच संपून जाणे ।।

ध्यानीमनी तुझेच रूप

आवडते मज तू गं खूप ।

सुखी ठेवण्या तुज गं सखे

लावणे मज देवाला दीप आणि धूप ।।

अकल्पनिय सौंदर्य तुझे

चित्त माझे वेधून घेई ।

चालता-फिरता, उठता-बसता

तुझीच आठवण येई ।।

अजु करतो विनवणी तुज

माझ्या प्रेमाला घे समजून ।

भेटण्या मज प्रेमाने तू

वधुसारखी ये गं सजून ।।