जगतोय तुझ्या आठवणीत.....

जमलेच नाही बेरीज,वजाबाकी मला

अधुरे राहिले प्रेमाचे हे गणित ।

सोडून गेली जेव्हापासून सखे तू

फक्त जगतोय मी तुझ्या आठवणीत ।।

किती प्रेम करतो मी तुझ्यावर

कधी मला कळलेच नाही ।

देतच गेलो मी तुला माझे प्रेम

आता अंतरी काही उरलेच नाही ।।

शक्यच नाही सखे गं आता

या मनाला अन्य कोणी भावेल ।

कोणाच्या प्रेमापायी नयन हे

आता कधी नाही गं जागेल ।।

होते तुझ्यावर प्रेम माझे

आजही आहे तुझ्यावर ।

करूच शकणार नाही कोणी

ताबा माझ्या मनावर ।।

मिळो सुख-समृद्धी तुला

जाशील सखे तू गं जिथे ।

एक थेंबही अश्रूचे गाळू नको

माझ्यासाठी तू गं तिथे ।।

साहेल मी दुःख विरहाचे

येणार नाही तुझ्या भावी जीवनी ।

उतरवेल सखे प्रेमाची गाथा

नित्य माझ्या गं कवनी ।।