सरणावर माझ्या.....

सरणावर माझ्या सखे

एक फुल ठेवशील का? ।

आठवणीत माझ्या तू गं

दोन थेंब गाळशील का? ।।

रडलो तुझ्या विरहात खूप

आता दुःख मज हे पचवायचे ।

आयुष्याच्या अस्तापर्यंत आता

सर्वांना आहे गं हसवायचे ।।

असेल तुझी मजबुरी 

आहे मज हे गं मान्य ।

तू आहेस गर्भश्रीमंत अन

मी आहे ना गं सर्वसामान्य ।।

तुझ्या गालावरची खळी

आजही माझ्या नयनी दिसते ।

माझ्या अंतरी फक्त सखे

नित्य तुझी छवी वसते ।।

असशील जिथे तू सुखाने रहा

पण प्रेम माझं विसरू नको ।

पाठवलेल्या फुलांना तू गं

रागावूनी कुस्करु नको ।।

करशील लग्न परक्याशी

तर करून घेशील खुशाल ।

पण माझ्या अंतरीच्या प्रेमाची

विझवून टाक आधी ही मशाल ।।