पिरती.....
पिरती.....
पिरतीच्या मांगं मांगं लागून
आता लोक काई मियालं नाई ।
पिरेम करतो तिच्यावर मी
पण तिले मातर कयालं नाई ।।
जिथं जिथं जाये ती
सायकल माह्यी तिकळेच जाये ।
पाह्यलं तिने माह्याकळं तं
सायकल तिथून कल्टी खाये ।।
दुधावाणी पांढरीफटक
दिसाले व्हती लैच खास ।
पाह्यलं तिले समोर हुबी तं
बोलावं वाटे तासनतास ।।
पोरगी हाये की परी
ती लैच हाये ना गोरी ।
कवा काजून तिनं माह्या
कायिज केलं चोरी ।।
पाह्यलंच नाई कोण्या पोरीचं
रूप एवढं चांगलं ।
म्हणून तं माह्य हिर्दय
तिच्या मांगच लागलं ।।
पण तिले नाई वाट्टे ब्वा
खरंच पिरेम माह्यावर ।
भलतेच माह्ये मित्र मले
उळवत बसते वाऱ्यावर ।।