Library
Profile
माझा शिक्षक
माझा शिक्षक
1 min
2.3K
मनापासुनी खरा असावा माझा शिक्षक
प्रसन्नतेचा झरा असावा माझा शिक्षक !
ज्ञानपिपासू उदार निर्भय सत्यप्रियही
कठोर पण शर्करा असावा माझा शिक्षक !
अन्यायाला भेदाला अंधत्वालाही
निःस्वार्थी हादरा असावा माझा शिक्षक !
सूर्यासम तेजस्वी, चंद्रासम शीतल अन्
क्षमाशील, जणु धरा, असावा माझा शिक्षक!
माता बंधु बाप मित्र दिग्दर्शक प्रेरक
दुःखातही आसरा असावा माझा शिक्षक !
