लाइब्रेरी
प्रोफाइल
माझा जीवन आधार
माझा जीवन आधार
1 min
185
मम माता पिता हेच
बालपणी शिल्पकार
घडविले जडविले
जीव लावूनी साकार
नुसतेच ना शिक्षण
सुसंस्कृत मज केले
नीतीमूल्ये बिंबवुनी
व्यक्तिमत्व घडविले
पायावरी उभे केले
कन्यादान हौसेमौजे
साथीदार चिंतामणी
कर्तव्यास श्रेष्ठ माने
पार पाडली कर्तव्ये
झाली गोड दोन मुले
सहवास हा सुखाचा
मनी आनंद उमले
लेक माझे फार गुणी
खूप यश संपादले
पाय परि भूमीवरी
विनयेनच वागले
माझा जीवन आधार
आता पती अन् मुले
काव्य क्रीडा संगीतात
सुखेनैव मी नाहले
पूर्वसंचिताने लाभे
हा आधार परिवार
देवा वंदन तुजला
तव आशिष आधार
