लेकीची करुण विनंती

 मुलगी म्हणून जन्मा आले

माझा जन्म का हो व्यर्थ

आई-बाबा तुम्हीच द्या

माझ्या जीवनाला अर्थ||१||

जगाची तमा का बाळगता

कन्यारत्न मोठे मोलाचे

ठाव घेते अगदी चोख

ती आई बापाच्या मनाचे||२||

 वंश मुलगाच का हो?

लेक अनमोल हिरा

आई-बाबा तिच्या अंगी

गुणांचे पैलू पहा जरा||३||

 कत्तलखाने बंद करा

गर्भात लेकी नका मारू

आई बाबा सांगा जगा

मुलीला दूर नका सारू ||४||

 एकविसाव्या शतकातही

लेकीस दुय्यम ते स्थान

आई-बाबा तुम्हीच मज

जगी मिळवून द्या मान||५||