कृपार्णवा(अभंग )

 मज पामरासी | भेटा भगवंता |

 दर्शना अनंता | व्याकूळ मी||

 तूच जगत्पति | वृंदावनी हरी |

 विठ्ठल पंढरी | जगन्नाथा||

 त्रिताप हरण | तुम्ही देवा करा ||

 कष्ट सारे हरा | लेकराचे ||

 पोटाशी हो धरा | हे स्वामी समर्था |

 टाळा हो अनार्था | कृपार्णवा ||

 तू गाय प्रेमळ | तुझे मी वासरू |

 दुर्बल लेकरू | अवधूता || 

 अन्यायी मी पापी | अपराधी कोटी | 

 घाल तू रे पोटी | गुरूदत्ता ||

 

दुःखाचा काळोख |दाटे हा अंधारु |

दूर नको सारू | दयाघना ||