बहिणीची माया
बहिणीची माया
1 min
316
तेजोमय दीपोत्सव
दिपावली आनंदाची
ओवाळीते भाऊराया
भाऊबीज ही प्रेमाची
नातं भावाचं मैत्रीचं
अनुबंध प्रेममय
सावलीच माहेराची
पित्यापरी स्नेहमय
भांडणात दडलेल्या
गमतीची गोडी भारी
आठवणी भावाच्या त्या
प्रेमनदी वाहणारी
मांगल्याचा पावित्र्याचा
असे भाऊबीज सण
देवा सर्वच दुःख ते
कर भावाचे हरण
आज यमद्वितीयेस
ओवाळीते भाऊराया
दीर्घायुष्य भावासाठी
मागे बहिणीची माया