लेक

एक तरी लेक देवा 

खरचं घरोघरी असावी

सुवर्णमयी नक्षत्रांची आभा 

तिच्या चेहऱ्यावर दिसावी

   आसवांची ओल तिच्या 

   पापणीतही नसावी

  तिच्या जीवनातील प्रत्येक

   सकाळ हसरी असावी

तिच्या यशाच्या दीपांची

किर्तीमाळ उजळावी

आकांक्षांच्या पंखांना

घरच्यांची साथ मिळावी

    तिच्या मायेच्या कुंचल्यातून

   नवनवीन चित्रे रेखाटावी

   लेकीला पाहून माझ्या

    सगळ्यांची चिंताच मिटावी

तिच्या सुखदुःखांची रास

ओंजळीतूनही जपावी

निरागस मायेच्या झुळूकेने

सु-स्वप्नांची आरास सजावी