लावणी
लावणी
त्याच्या वाचून करमत नाही
आग विरहाची जाळते बाई
कसा झुरतोय मनाचा पारवा
मला झोंबतोय थंडीचा गारवा ।।धृ।।
भर ज्वानीनं काया मुसमुसली
चोळी दंडात दाटाया लागली
कोणी येऊन मस्ती माझी जिरवा
मला झोंबतोय थंडीचा गारवा ।।१।।
गडी असा पहिलवान फाकडा
भरला मनात मिशीचा आकडा
त्याला लवकर कुणीतरी बोलवा
मला झोंबतोय थंडीचा गारवा ।।२।।
छपन्न इंचाची छाती भरदार
राजहंसासम चाल डौलदार
त्याच्या सोबत रथातून फिरवा
मला झोंबतोय थंडीचा गारवा ।।३।।