कट्यार

एक स्त्री म्हणजे कोणी कमकुवत अबला नाही;

जिच्यावर तुम्ही तुमचे पुरुषी स्वामित्व गाजवता!

एक स्त्री म्हणजे फक्त शोभेची बाहुली नाही;

की तिला हुंड्यासाठी सोन्याच्या ओझ्याने सजवता!

रस्त्याकडेला चालताना किंवा एकटी उभी असताना;

विचलित करत असे तिला तुमची लांडग्यांची नजर;

जरी बाहेरून गरीब, सुंदर मनी माऊ दिसली ना,

तरी शिवरायाची लेक ती, सदैव काळजात सिंहीण असते हजर!!

वंशाच्या दिव्याच्या तुटपुंज्या यशापायी,

मुलीला का ठेवता ज्ञानज्योतीपासून वंचित;

परक्याचं देणं नाही ती; असे स्वतःची गृहलक्ष्मी

मग तिचे आयुष्य का चूल आणि मूल च्या बेड्यांमध्ये करता संचित!!

आज सगळ्या क्षेत्रांत घेतली आहे तिने गरुडझेप;

म्हणून तिच्या शालीनपणावर नका चालवू पुरुषी मत्सराचे हत्यार;

जरी असे ती मनाने हळवी व हृदयाने विशाल;

तरी कळणार नाही की समोरून कधी काळजात घुसे ही कट्यार!

तरी कळणार नाही की समोरून कधी काळजात घुसे ही कट्यार!!!