क्षण एक तो पुरेसा.....

क्षण एक तो पुरेसा

आजवर मनातं जपून ठेवलेला

कळत नकळत हा जीव तेव्हा

तुझ्यात होता अडकलेला

क्षण एक तो पुरेसा

तुझ्या मिठीत असतानाचा

मोहक त्या बाहुपाशात

आजवर देह सुखावलेला

क्षण एक तो पुरेसा

हळव्या झालेल्या मनाचा

आठवणींच्या धुक्यात चालताना 

दवात होता भिजलेला

क्षण एक तो पुरेसा

स्पर्शाने तुझ्या बावरलेला

चांदण्या रातीत ही

तोल तेव्हा सावरलेला

क्षण एक तो पुरेसा

शेवटच्या त्या भेटीचा

विसर ही पडला नाही

तो क्षण होता विरहाचा.