कर्मवीर
कर्मवीर
कर्मवीरांच्या पुण्य कर्माने
गौरविली खान्देशाची माती
तिरंग्याचा मळवट भरी
गर्वाने सारे राष्ट्रगीत गाती
खान्देशाच्या पवित्र धरेवर
कर्मवीरांचा चरणस्पर्श
विश्वकर्मासम रचियता
ठरला येथे परीसस्पर्श
शिक्षणाची गंगा माथ्यावरी
घेवून ठरले भगीरथ
व्यंकटरावजी रणधीर
यांनी चालविला जन रथ
स्वच्छतेचा घेवून हो प्रण
झाले येथले गाडगेबाबा
हागणदारी मुक्त गावाची
अविरत ठेवली हो शोभा
अंधश्रद्धेच्या दलदलीत
उघडविले जनांचे डोळे
या गर्तेतेतून आदिवासी
वाचविले अनेक भोळे
श्रमदान स्वयंशिस्तीतून
स्काउट गाईडचे हे पर्व
गाजविले महाराष्ट्रातून
आम्हास सदा वाटे हो गर्व
जन संवादातून जोडली
अनेक अतुट अशी नाती
जनजागृतीतून मांडल्या
मोडल्या वाईट चालीरीती
लोकनेते निवडून आले
राजकारणातही लढले
प्रतिबिंबीत आरशासम
लोकांच्या हक्कासाठी जगले
दरीखोऱ्यात दिसत असे
कर्मवीरांचा कर्तृत्व बाज
ऐकू येते मातीत इथल्या
खान्देशाच्या दर्याची गाज
शत् शत् करीतो नमन
स्वातंत्र्यसेनानींच्या कार्याला
ही शेकडो तोफांची सलामी
रणधीरांच्या दृढ शौर्याला