कोरोनाच्या काळातील मुलगी कोरोना
कोरोनाच्या काळातील मुलगी कोरोना
कोरोनाच्याा काळात मुलगी झाली
नाव सुचवंलच कुणीतरी कोरोना |
ऐकून इतरांनी मुरडली नाकं पण
मलाच आली तिची करुणा | |१| |
आधीच अजूनही ब-याच घरात
मुलगी नसलेलीच वाटतेय बरी |
कोरोना महामारीच दिले नाव तर
कुठल्या रुपात ती वाटेल परी? | |२| |
पूर्वापार मुलगाच वाटत होता खरा
वंशाचा दिवा चितेस देणारा आग |
कोरोना नावे मुलीच्या पत्रिकेतही
शनीग्रहाचाच तिच्यावर अनुराग | |३| |
कोविड शील्ड लस घेतलेलाच का
फक्त तिला लग्नासाठी चालेल? |
लग्न झालंच तर उठल्या बसल्या
तिचंच नाव घेऊन शिव्या घालेल? | |४| |
सासरी गेल्यावर होईल का स्वागत
आत ये गं कोरोना असं म्हणत? |
ती घरात प्रवेश करण्याच्या आधी
घरातलेच बाहेर जातील तणतणत |५| |
मुलगी शिकली प्रगती झाली म्हणे
पहिली बेटी कोरोनाची का देण ? |
नवरा मुलाला उखाणा घेतांनाच
इतरांसमोर येईल छातीतच पेन | | |६| |