खुणगाठ
खुणगाठ
नको काव्यात तुझ्या
व्यथा माझ्या मांडु
जगण्याची रित माझी
तुझ्या काव्यात सांडु
आटेल माझा पान्हा
झोळीत आहे तान्हा
दारिद्र्याच्या उराशी
आज आहे मी उपाशी
दारिद्रय घेऊन उराशी
तुझा बंगला बांधते मी
एक एक वीट उचलता
दु:खाचे हुंदके सोसते मी
माझे दु:ख आणि व्यथा
कुणाला कशाला सांगु?
दारीद्रयाचा शाप मजला
देवाशी का भांडु?
मनगाट बांधली मी
खुणगाठ झुंजण्याची
बुद्धीचे दोर तोडले मी
कर्माची आहे मी दासी
ना थांबणार आता
ना संपणार आता
दैवाशी पुकारले मी
महायुद्ध मी मघाशी
रचना
गिरी श्याम गुमानगिर