भाऊंचा बर्थ डे
भाऊंचा बर्थ डे
भाऊरायाचा आज आहे दिन
घरी जमले मित्र तीन
बहीणीने बनवला केक छान
काकुने आणला गुलाब जाम
सगळ्यांची कशी पंगत बसली
आईने ठेवला चिवडा चकली
आजीच्या ताटात माशी पडली
काकुचे चमकले दात नकली
भाऊराया कसा ऐटीत फिरला
शेजार डॉगीला घाबरुन लपला
मावशीने दिलेला गॉगल फेकला
बाबांच्या टाळक्यावर तो बसला
मित्रांची टोळी माडीवर फिरली
पतंगाची काटाकाटी जमली
ताईने सोडली सायकलची हवा
गंप्याने केली ताईची वाहवा
काकांची तेवढ्यात स्वारी आली
सगळ्याची हवा पाचावर बसली
बाबांनी दिला छान छान टॉफी
सगळ्यांनी संपवली छान कॉफी
भाऊरायांचा साजरा झाला दिन
नवसाचे मित्र इन मिन तीन
भाऊला सर्वांनी शुभेच्छा दिल्या
मित्रांच्या सायकली जड झाल्या