खेळ!!!

रोज एक मी खेळ खेळतो ! ! !

पैश्यांसंगे उठतो-बसतो . . .

काही देतो काही घेतो,

पैश्यासंगेच हसतो-बोलतो ! ! !

रोज एक मी खेळ खेळतो ! ! !

माणुसकीचा गळा घोटतो . . .

दंभ-स्वार्थाचे मुखवटे घेऊन,

स्वतःचीच मी फसगत करतो ! ! !

रोज एक मी खेळ खेळतो ! ! !

पैश्यासाठी रोज सकाळी,

लोकांसंगे धावत सुटतो . . .

पडतो . . . उठतो . . . आणि पाडतो,

जखमांवर मग मीठ चोळतो ! ! !

वासनेच्या नजरा घेऊन,

विक्षिप्तपणे मी तिला पाहतो...

कधीतरी मग ठेच लागते,

अन मग लंगडत पुढे चालतो ! ! !

कंटाळून मी मधेच थांबतो,

विचार करत मागे पाहतो . . .

पण गर्दीचा लोंढा येतो,

मलाही सोबत घेऊन जातो ! ! !

रोज एक मी खेळ खेळतो ! ! !

खेळता-खेळता मरुन जातो . . . .

मेलेल्यांच्या स्मशानभूमीत,

मरणाचा हा खेळ . . . पुन्हा रंगतो ! ! !

रोज एक मी खेळ खेळतो ! ! !

रोज एक मी खेळ खेळतो ! ! !