कान्हा
कान्हा
कान्हा, तुझ्या प्रेमात
मी झालीय वेडी ;
प्रेमसागर सखा तू
हृदयाच्या तार छेडी
कान्हा ,तू माझ्यात असूनही
माझ्यात वाटत नाही;
ओठांशी धरता सप्तसुरा
तनाची होई लाही लाही
कान्हा, मी नुकतीच
आली रे यौवनात;
सांग प्रेमसख्या, काय
आहे तुझ्या मनात?
कान्हा, तुला माझ्या
हृदयाचा ठाव नाही;
तू चंचल, अस्थिर
तसा माझा स्वभाव नाही
कान्हा ,घालमेल जीवाची
तुला सांगू कशी?
मीच दिलं तुला हृदय
परत मागू कशी?
कान्हा, अतूट आपले
प्रेमनाते फुलवू निरंतर;
अमर आपुले प्रेम
जगी टिकेल निरंतर