काळजी घेवूया

काळजी घेऊ या |घरात राहू या |

लस ही घेऊ या | सारेजण.....||१||

कोरोना हरेल |साखळी तुटेल |

निघून जाईल | कोरोना हो....||२||

संयम तू ठेव | नका फिरू उगी |

हाहाकार जगी | माजला हो....||३||

करावे मनन | चांगले पठण |

योग्य ते चिंतन | चित्ती असो...||४||

अपुल्या जे हाती | करू या आपण |

ऐका हो जन | सांगे मिनू.....||५||

कोरोनापुढेच | सारे हतबल |

वाढो मनोबल | स्वतः चे रे...||६||

सदा धुवा हात | करू या हो मात|

ओठांवर गीत | कोरोनाचे....||७||

स्मशान शांतता | चिताच रचल्या |

बायका खचल्या | पाहवेना....||८||

होता तकलीफ | ना ठेवा झाकून |

येईल वाकून | कोरोना हो....||९||

नको दिरंगाई | जिंकू ही लढाई |

केवढी पुण्याई | वाचण्याची...||१०||

तपासणी करा |उपचार खरा |

रोग नाही बरा | ध्यानी ठेवा....||११||

विलगीकरण | उपाय हो खास |

संपेल रे त्रास | कायमचा.....||१२||