का? कोण जाणे?
का? कोण जाणे?
घट्ट त्या नात्याची न जाणे वीण का उसवली आहे ?
गर्भार होती भावना पण ती कविता कूठे प्रसवली आहे ?
स्त्री स्वातंत्र्याचे गोडवे गायले जरी घराघरांतून
हुंड्यासाठी वरात आजही मांडवातून का परतली आहे ?
गाठला उच्चांक जरी आधुनिकतेने पावलोपावली
नितीमित्तेच्या मुल्यांकाची पातळी का घसरली आहे ?
सांजवेळी प्रतीक्षेत आहेत घरटी केविलवाणी
घेतली भरारी ज्या पिलांनी परतण्यास का विसरली आहे ?
तोडली नाळ मातीशी परकी झाली गाव शिवार
सिमेंटची निर्जीव जंगले का इतकी पसरली आहे ?
विकले तिने शरीर कितीदा आपल्या बाळासाठी
मातृत्वाची अशी परीक्षा पान्ह्यात का झरली आहे?
रात्रभर जागली सखी मिलनाच्या धुंदीत त्या
डोळ्यात अजूनही विरहाची रात्र का उरली आहे ?