जिव्हाळा आपुलकीचा
जिव्हाळा आपुलकीचा
जिव्हाळा नात्यांचा खरा
आपणच जपायचा
संपू नये आपल्यातला
ठेवा निस्वार्थी मनाचा||१||
आपण सजावं छान
प्रेमाच्या अलंकारानं
सहकार्य,सहिष्णुता
मायेच्या दानानं||२||
ममतेच्या त्या रोपाने
आपुलकी बहरावी
सामंजस्याने नात्यांत
प्रेमबाग फुलवावी||३||
सोज्वळ, स्वच्छ हृदय
उपेक्षा नको कोणाची
कशास भूक ठेवावी
मानपान,आदराची||४||
नको हेवेदावे, राग
वाईट द्यावे सोडून
नाहीतर पश्चातापच हाती
नाती जातील मोडून||५||
आत्मचिंतन,मनन
स्वपरीक्षण करावे
नात्यातल्या जिव्हाळ्याला
आत्मज्ञानाने जपावे||६||