जीवन चित्र

जन्म हा लाभला मानवाचा, 

आहे ईश्वराचे देणे हे .. 

पण कालांतराने आयुष्य हे 

वाटते जणू 

चुलीवरच्या कढईतले ‘कांदे पोहे ‘ ..

‘ विस्तव ते वास्तव ’ मर्म आगळे हे 

 चटके सोसत जगण्याचे

           गणित वेगळे हे । 

          

आयुष्यात ह्या शान - मान - इमान 

आणि बरंच काही .. 

पण फक्त प्रत्येकाचं जगणं 

मात्र ‘समान’ नाही । 

म्हणून कधी हसावं लागतं , 

तर कधी रडावं लागतं.. 

आणि श्वास असेपर्यंत

या दुनियेला जगून दाखवावं लागतं । 

तरीही अगदीच काही वाईट नाही 

हे जीवनाचे चित्र 

कारण , 

नकळत ह्या चित्रात रंग भरतात 

.. तेच खरे मित्र । 

फुलपाखरासारखे बागडत 

तर कधी सुसंवाद साधत .. 

 एकमेकांसि घालुनी साद 

करा रोज एक नवीन सुरूवात । 

अहो काहीही नसते कायम 

या जीवनी..

म्हणून आनंदाने जगावे

क्षणोक्षणी ।