झुळूक

प्रेम पाहिले जेव्हा तिजला

नयनामधल्या स्वप्न तरुला

फुलू लागली फुले सुगंधी

त्या कोमल लावण्याची

दृष्टी भेट ती क्षण भराची

सांगत नाती युगायुगांची

भासे कधी ती शकुंतला 

कधी राधिका कृष्णाची

झुळूक जशी ती हळूच येते

कळी परी ती किंचीत हसते

फुला परी ती मला फुलवते

ती प्रज्ञा माझ्या रचनांची

हसते तेव्हा ही मज दिसते

असते तेव्हा नवल काय ते

हास्य लोचनी तिच्या सांगते 

हसणे किमया जगण्याची