जेष्ठ नागरिक !!

आयुष्यभर करून काबाडकष्ट

अनुभवी नागरिक ह़ोतात जेष्ठ

अनेकांना वाटते आता आराम

नाही चिंता, आता फक्त विश्राम 

पण असेच काहीही घडत नाही

आणि समाधान ही मिळत नाही

उलट निवृत्ती नंतरच्या समस्यांशी

जुळवायची समस्या लागते पाठीशी

जुळवावे लागते बदललेल्या परिस्थितीशी

जुळवावे लागते बदललेल्या हवामानाशी

योग्य आहारही लागतोय ठेवायला

पुरेसा व्यायाम लागतोय करायला 

नियमित औषधे लागतातच घ्यावी

शरीरालाही विश्रांती लागतेच द्यावी

स्वताला आनंदी लागतंय रहायला

इतरांनाही आनंद लागतोय द्यायला

तेच जेष्ठ नागरिक खूष राहू शकतात

जे लहान थोर सर्वांशी जुळवून घेतात