इतिहासात पहिल्यांदाच असे घडले...

इतिहासात पहिल्यांदाच असे घडले 

घरात बंदिस्त राहुन जैविक युद्ध लढले

झाला होता सर्वत्र कोरोना विषाणूचा प्रसार

बुद्धिमान माणूस मानेल कसली हार 

सरकारने सर्व बंदची पुकार केली

जनतेनी एकजुटीने साथ दिली

सर्व जातीधर्म आले एकत्र

महामारी विरोधी सुरु झाले सत्र

रोजगार धंदयाविना हात बंद पडले

उपासमारीचे संकट गगनाला भिडले

परी सोडली नाही माणुसकीची साथ

पोहचवले अन्नधान्य घराघरात

घरात बसून राहीले लहानथोर

रोखला कोरोना विषाणूचा प्रसार

डॉक्टर, नर्स, पोलीस लढले फार 

पुन्हा एकदा थांबवला मानवी संहार

एवढूसा विषाणू जगाला शिकवून गेला 

नाही महत्व शक्तीला नसे पैशाला 

अरे मानवा नको अतिउतावीळ होऊ 

पशुपक्षी, वनस्पती सर्व गुण्यागोविंदाने राहू

                    कवी: डॉ. राजवर्धन रमेश देशमूख