माझी ईश्वर प्रार्थना...

जय जय जगदगुरू  तुकोबाराय  

उभा केला तुम्ही वारकरी संप्रदाय 

श्वास आमुचा ईश्वराचे नामस्मरण

स्वर्ग आमुचा ईश्वराचे चरण  

निःस्वार्थ भक्ती, निःस्वार्थ सेवाभाव  

हृदयी वसे ईश्वराचा ठाव  

टाळ, मृदंग, वीणा घेऊनिया हाती 

मुखी ईश्वराचे गुण गाती...

ईश्वराची वारी पायी दिंडी चाले  

मुखी ईश्वराचे गुणगान बोले  

जगी उद्धार करण्या संतांचे जीवन 

पदोपदी करण्या माणुसकीची लागण...

ईश्वरा घरोघरी माणुसकी वसु दे  

प्रत्येकाच्या मनी आनंद हास्य असू दे 

हिच विनवणी तुझीया चरणी  

आनंदाने बहरू दे माय धरणी...