हृदय माझे

दवबिंदू पडती झाडांवरी

बेसावध होतो दूर कुरणावारी

पडती धुके सर्वत्र जरी

हृदय माझे उमलते फुलापरी

कुठेतरी पडतात पावसाच्या सरी

बेसावध होतो दूर शेतावरी

जोराने वाहतो वारा जरी

हृदय माझे उमलते फुलापरी

आकाश टेकते क्षितिजावरी

बेसावध होतो दूर कुठेतरी

आभाळाशी दाटती मेघ जरी

हृदय माझे उमलते फुलापरी

काळोख चहुकडे धरतीवरी

चांदण्यांची मिळते साथ तरी

गगनी विधू एकटा जरी

हृदय माझे उमलते फुलापरी