चंद्रावर स्वारी

जाऊ आपण चंद्रावर

घेऊ उंचच उंच भरारी

रात्री असेल खूप अंधार

जाऊया भर दुपारी

थकल्यावर आपण

करायची का न्याहारी

घेतली आहे सोबत मी

चटणी अन भाकरी

तहान लागल्यावर पिऊ

ढगामधलंच पाणी

पाण्याचा प्रश्न नक्कीच

विचारणार नाही कुणी

नको आकाशात फजिती

घेऊ या इंधन फारसे

किती दिवस मुक्काम तरी

संपण्याची चिंता नसे

थकल्यावर झोप घेताना

आई गायची तुझी गाणी

चंदामामा लपु नकोस

गोड वाटे रे तुझी गाणी