हिवाळ्याचा ऋतू

हिवाळ्याचा ऋतू नेहमीच 

आत्माला स्पर्श करतो 

जीवन एक सुंदर 

हवाहवासा हर्ष करतो || 0 ||

खाईत आठवणींच्या 

स्वतःहून हा उतरतो 

कधी कधी मलाही 

घेऊन हा घसरतो 

सुखदुःखांच्या आठवणींचा 

सुंदर परामर्श करतो 

जीवन एक सुंदर 

हवाहवासा हर्ष करतो || 1 ||

मनाला एक नवं 

ताजेपण देतो हा 

कलेला एक नवं 

साजेपण देतो हा 

मन उल्हासित करून 

कलेचा उत्कर्ष करतो 

जीवन एक सुंदर 

हवाहवासा हर्ष करतो || 2 ||

काहीतरी नवीन 

घडवून जातो माझ्याकडून 

काहीतरी जुनं 

अडवून जातो माझ्याकडून 

सर्व ऋतूंच्या चक्रात 

अप्रतिम आदर्श ठरतो 

जीवन एक सुंदर 

हवाहवासा हर्ष करतो || 3 ||

काही आठवणींना 

तिथेच रोकुन धरतो 

काही आठवणींच्या 

पुढे हा हरतो 

कधी कधी आठवणींचा 

प्रखर संघर्ष ठरतो 

जीवन एक सुंदर 

हवाहवासा हर्ष करतो || 4 ||