ही गुलाबी हवा
ही गुलाबी हवा
श्वास श्वासात मिसळता
रोग होई रे नवा,
प्रेम असते नाव त्याचे
पसरते गुलाबी हवा !!
एकमेकासाठीच फक्त
हृदय हे धडकते,
प्रेमी जीव एकमेकांत
हळुवारपणे अडकते !!
भान नसते जगाचे अन्
कळत नसते काही कुणा,
एक वेळ येते अशी
वाटते हे प्रेम की यातना !!
घेतलेल्या शपताना मग
जागती नाही कुणी,
प्रेम होते तयांचे की
स्वप्ने होती ती जुनी !!
साथ देणारे तयांची
साथ सोडू लागतात,
रोज रोज मग सखयाशीही
अनोळखीगत वागतात !!
जाते विरून एकदाची
मग ती गुलाबी हवा,
श्वास श्वासात अडकता पुन्हा
रोग होई तोच नवा !!