गुरुचे महत्त्व

संदेश बहुमोलाचा 

चार ओळीतुनी दिला 

चैतन्याच्या प्रवाहाचा 

कृपा प्रसाद लाभला ||१|| 

मरगळल्या जीवाला 

स्पर्श लाभला तुमचा

खचलेल्या या मनाला

विश्वास लाभे तुमचा ||२|| 

योजना आखण्या आधी 

बेभान असा जाहलो 

पुरेशी ऊर्जा घेऊनी

नतमस्तक मी झालो ||३|| 

मज हवे ते मिळाले 

तुमच्या आशीर्वादाने

समाधान हे लाभले

मज गुरूदर्शनाने ||४|| 

पाऊल पुन्हा एकदा 

पडले पुढे जोशात 

जीवनी पुन्हा एकदा 

प्रयत्न घडे जोमात ||५|| 

गुरूचे महत्त्व मज

हरघडी जाणवते 

प्रत्येक क्षणी मजला

जाणीव तुमची होते ||६||