गुरु जीवनाचा शिल्पकार (अभंग)

गुरू तो प्रेमळ l मनी दिलदार l

असे डौलदार l व्यक्तिमत्व ll १ ll

गुरू ध्येयनिष्ठ l तो जबाबदार l

तारा दर्जेदार l अप्रतिम ll २ ll

तो विचारवंत l तो वाकबगार l

खूप दर्जेदार l गुरुराया ll ३ ll

गुरु विद्यार्थ्यांचा l असे शिलदार l

मोठा सरदार l समाजाचा ll ४ ll

तो भक्ती शक्तीचा l आहे भरदार l

श्रेष्ठ कलाकार l सर्वांसाठी ll ५ ll

गुरू जीवनाचा l खरा शिल्पकार l

उत्कृष्ट आकार l शिक्षणाला ll ६ ll

गुरु तो निस्वार्थ l मुख्य कलाकार l

मनी सहकार l हृदयात ll ७ ll

राजांचा तो राजा l कर्तव्य निष्ठुर l

सर्वांचे उभार l देतो मनी ll ८ ll

गुरु करी सर्व l जगाचा उद्धार l

नाही उपकार l फिटणार ll ९ ll