गुंतले असे तुझ्यात
गुंतले असे तुझ्यात
गुंतले अशी तुझ्यात,
माझी मी ना राहीले,
स्वरभाव अंतरीचे,
सर्वस्व तुजला अर्पिले. १.
श्वासामधुनी लयींच्या,
आळवित तुजला जागले,
स्पंदने आर्त स्वरांची,
वेदनेत हसवत ,हसले. २.
शोधूनी अर्थ सगळे,
हुंकारातुनी जाणीवेच्या,
प्रतिसाद भावनांचे,
फुलवीत आशा सुखाच्या. ३.
अर्पणभाव सुखाचा,
ओंजळीत मी झेलला,
कृतार्थ तव दर्शने,
मार्ग मजला गवसला. ४.
अडथळ्यांचा हमरस्ता,
मार्ग काटेरी वळणावरचा,
साथ जुळता पावलांची,
निर्धास्त किनारा जगण्याचा. ५.
तृप्त जाहले जन्माची,
जगी खेळ भावनांचा,
माप ओलांडुनी उंबऱ्याचे,
आधार तूच जीवनाचा. ६.