लाइब्रेरी
प्रोफाइल
गप्पा स्वतःशी मारताना
गप्पा स्वतःशी मारताना
1 min
306
स्वतःशीच गप्पा मारताना
मनात विचार आला
आपल्या आयुष्याचा
मध्यांतरही निघून गेला
पैशामागे धावता धावता
नाती हरवून बसलो होतो
कोणत्याच आनंदाच्या क्षणी
मी तिथे उपस्थित नव्हतो
काय मिळवलं याची
बेरीज बरोबर येत नव्हती
आणि काय गमावलं याची
वजाबाकी शून्य येत होती
आयुष्याच्या या धावपळीत
खूप काही गमावलं
पैशांच्या हव्यासापायी
जगायचंच राहून गेलं
