गीत स्वर

का रे कान्हा, का रे कन्हैया. 

साऱ्या संसारास, कोठे सांगू?

निर्जन जागी ह्या रात्रीची मी.

मंदिरात होते हे खोटे सांगू?

माझे गं राधे वर बघ जराशी.

नयनअमियास नयनात न्हाहु दे.

तुझा गं मखमली निसटता स्पर्श.

हा हात तुझा हातात राहू दे.

श्वास श्वासांच्या घरी तरंगले.

ओठ ओठांच्या स्वरात रंगले.

रक्तफूलं कवेत पुढे सरकले.

तेज ते प्रतिबिंबाविन पांगले.

निळ्या पाण्यात, निळ्याच अंबरात.

नि शृंगाराचा गुलाल ओलसर.

आज सोडून जाऊ नकोस कान्हा.

उधळे आज मी गीत स्वर तुजवर!